首页 >车头条 > 内容

劲悭油!Serena ePOWER

车头条 2021-03-31 13:25:01

7人车行$0.7/1公里

如果经常要车一家大细外出嘅车迷,买入一部7人车日常用似乎係一个非常明智嘅选择,喺众多选择入面Nissan 嘅Serena 一直以嚟都拥有一班捧场客,贪佢舒服得嚟又稳阵,但係身为7人车体积一定有返咁上下,曾经有车主向我提及旧Serena 耗油量大概每公里要$1.5~ $1.7 之间,平心而论又唔算得上十分大食但无可否认对比新嘅Serena e-POWER 旧版就输蚀咗一大截。



全新嘅Serena e-POWER 车入面独特嘅设计有效令耗油量大减到每公里$0.7!佢有咩法宝去悭油?就係佢套e-POWER 系统。呢部车採用嘅e-POWER 系统主要由4个部件组成,包括有:驱动摩打、发电机、锂电池同埋引擎。简单讲Serena e-POWER 係一部有引擎,不过同时又係100%依靠电力推动嘅「电车」,字面上睇落好似矛盾而事实上车入面嘅1,198c.c. 直三引擎喺整套系统入面嘅角色只会帮发电机作充电用途,落辘嘅动力只会由锂电池或发电机提供。



4个部件喺不同情况下担任嘅角色会有少少唔同:一般行车而且锂电池电量又充足情况之下,锂电池可以单独供电畀驱动摩打再将动力传去头辘,呢个情况下引擎唔会启动,部车可以纯以锂电推动。试车当日试过以呢个模式行车大约可以由呈祥道明爱医院附近到葵涌道,引擎先需要介入帮锂电池充电。另一个情况係一般行车但锂电池电量又唔够,引擎就会启动,连接住嘅发电机就会帮锂电池充电,再输出电力推动驱动摩打。如果遇到上斜又或者要突然加速嘅情况,引擎就会帮发电机供电,同一时间发电机会直接推动驱动摩打,而唔係帮锂电池充电。


有用电梗係要有充电啦,每次鬆开油门就会发现佢比起普通车减速快好多。原来佢同会利用减速呢个动作嚟帮锂电池充电。但呢个动作可能会引发出一个安全问题,忽然减速后面嘅车又知唔知呢? 原来佢会自动帮你着尾灯,情况同你踩迫力一样,不过Serena e-POWER 一个油门就可以做晒。



上面都提及过Serena e-POWER 有副引擎喺到,如果以为可以畀电车牌费嘅朋友唔好意思嘞 Serena e-POWER 係需要畀每年 $3,929嘅牌费(1,500c.c.以下牌费)。咁部车仲有咩优势呢?e-POWER 系统最大嘅好处可以免去充电嘅麻烦,揸开电车嘅车迷搵位充电其实都几头痕,而且纯电行车时又可以比电油车更加宁静坐喺入面份外舒适。对于驾驶者而言新车另一个好处就係即使部车重量有1,790 公斤,佢嘅起围加速畀我嘅感觉未至于去到有爆炸性嘅表现但相比一般传统2000c.c. 嘅7人车明显爽快好多。



车入面同上一代最大改动一定係由8 座变7 座,但同时一共有12个座位布局可以拣,令新车可以应付日常生活遇到嘅唔同情况。另外,车入面嘅设备都同一般车一样非常细心,储物空间多到夸张,仲有现今世代人都非常需要嘅USB充电位,成车总共有6个,近乎係每一个座位自己都会有一个。其他嘅装备仲有同级对手都欠奉嘅侧门脚踢感应自动开启功能、唔洗次次都要预空间先开到嘅双尾门设计等等。虽然新车四四方方,都佢嘅车长都有4.7米、阔1.7米,对于新手嚟讲泊车可能有少少难度,呢个时候360度泊车车cam就大派用场嘞!









Serena e-POWER Highway Star VIP spec.


引擎:1,198c.c. 直三

电动马达:EM57

马力:136ps

扭力:320Nm

驱动:前驱

传动:单速自动

车身:4,770 X 1,740 X 1,865(mm)

轴距:2,860mm

车重:1,790kg

车价:$359,800

查询:合诚汽车(2803 5333)


Text: Daniel

Photo: Billy

郑重声明:本文版权归原作者所有,转载文章仅为传播更多信息之目的,如作者信息标记有误,请第一时候联系我们修改或删除,多谢。